ថ្មីៗនេះ ក្រុមហ៊ុនអេឡិចត្រូនិកពីរនៅប្រទេសចិនឈ្មោះថា Cube និង Chuwi បានចេញលក់ Tablet ស៊េរីថ្មីរបស់ខ្លួនដែលបំពាក់មកជាមួយអេក្រង់ retina display មាន resolution 2048 x 1536 ដូច The new iPad របស់ Apple ដែរ តែតម្លៃក្រោម ៣០០ដុល្លារ ប៉ុណ្ណោះ។
Tablet ដែលផលិតដោយក្រុមហ៊ុន Cube មានឈ្មោះថា Cube U9GT5 ចំណែក Tablet មួយទៀតផលិតដោយ Chuwi មានឈ្មោះថា Chuwi V99។ Tablet ទាំងពីរស៊េរីនេះបានបំពាក់មកជាមួយអេក្រង់ទំហំ ៩,៧អ៊ីញ ប្រភេទ retina display មាន resolution 2048 x 1536 និងប្រើប្រព័ន្ធប្រតិបត្តិការជំនាន់ចុងក្រោយបង្អស់របស់ Google គឺ Android 4.1 Jelly Bean ដូចគ្នា។
ក្រៅពីលក្ខណៈពិសេសខាងលើ Tablet ទាំងពីរម៉ូតបានភ្ជាប់មកជាមួយលក្ខណៈសម្បត្តិមួយចំនួនទៀតរួមមាន៖
– អេក្រង់ retina display ទំហំ ៩,៧អ៊ីញ មាន resolution 2048 x 1536
– CPU Rockchip RK3066 ARM Cortex-A9 dual core ល្បឿន 1.6 GHz
– RAM ទំហំ 1GB
– អង្គចងចាំខាងក្នុងទំហំ 16GB តែអាចបន្ថែមទំហំតាមរយៈ microSD card
– កាមេរ៉ាមុខនិងក្រោយទំហំ 2 megapixel
– Bluetooth 2.0
– និងថ្មកម្លាំង 10,000mAh កាន់បានរយៈពេល ១០ម៉ោង។
ប្រិយមិត្តអាចកុម្ម៉ង់ទិញ Cube U9GT5 បាននៅលើគេហទំព័រ cube-tablet ជាមួយនឹងតម្លៃ ២៦៦ដុល្លារ អាមេរិក។ ចំណែក Chuwi V99 មានដាក់លក់នៅលើគេហទំព័រ pandawill តម្លៃ ២៩០ដុល្លារ អាមេរិក។
ដក់ស្រង់ចេញពី sabay.com
mysihanoukvillenews.wordpress.com 